یکشنبه, 17 آذر 1398 ساعت 02:24 ب ظ - 12(Dec) 08 2019

انتخاب زبان

پایگاه  خبری آی خبر

زمینه رسانه، اجتماعی
صاحب امتیاز و مدیرمسئول:
علی عباسی نهاری
آدرس: تبریز - چهارراه شهید بهشتی - ابتدای خیابان شهید منتظری - جنب دبستان فارابی و بیمه دانا - پلاک 75 طبقه 1 تلفن تماس:  04133355855- 09149160116
پست الکترونیک: info@aynews.ir a89ab@yahoo.com
شماره مجوز 94/1417

tabligh

شعار سال 98: رونق تولید

بحران آب را جدی بگیریم

شهریار نیوز

دریاچه ارومیه


تبریز گونال - تولید کننده انواع کنتور آب

دکتر حسن روحانی نین انتخابات تشکیلاتینین اوچونجو ساییلی بیانیه سی
ائللر (اقوام)، دین لر و  مذهب لرین حقوقو
دکتر حسن روحانی نین رسمی وب سیته سی بو کاندیدانین اوچونجو بیان نامه سینی نشر ائتدی.

بو بیان‌نامه ده بئله یازیلیر:
یارادان مهربان تانری آدیلا
ایرانین بویوک میللتی، دگرلی قارداشلار و باجیلار
سایغی و سلاملارلا
 بیزیم عزیز اؤلکه میز، ایران، یئرلر، دیللر، دین لر ،مذهب لردن دولو جنت کیمی بیر باغ دیر. ایندی کی اونملی و قَدَریمیزله باغلی اولان جمهور باشقانی سئچگی‌لری بیزه بو تاریخی فرصتی یارادیبدیر؛ من، حسن روحانی جیددی صورتده اؤزومو متعهد بیلیرم کی سیز عزیز میللتیمیزین اعتمادی و اوی لارینی قازانماق صورتینده و تدبیر و اومود دولتینین استقرار شرطی ایله آشاغیدا گلن اون ساییلی ماده لری کی آنا یاسامیزین اَن اهمیتلی بؤلوملریندن اولان میللت حاقلاری فصلینین بیر بخشی و مقدس نظامیمیز اسلامی جمهوریتیمیزین اَن مهم آماجلارینداندیر، شعاردان عمله گتیرمکله آزاد، آباد بیر ایرانا شاهد اولاق:
1: تدبیر و اومود دولتینده تبیعیض لری آرادان قالدیرماق اوچون، آنایاسامیزین مکمل اجرا اولماسی یولدا خصوصا 3 ، 12، 15، 19، 22 و... ساییلی اصللرین کامیل شکیلده لازم اولان قانونلاری تدوین ائتمک.
2: دین‌دَن و دیل‌دن آسیلی اولمایاراق اؤلکه نین بؤیوک و کلان مدیریت ساحه‌لرینده عموم اهالینین ایش بیرلیگی و مشارکتیندن فایدالانماق، بوتون سیاسی- اداری سطح‌لرده لیاقتلی اینسانلاردان یارارلانماق (شایسته سالاری)،  بئله‌کی وطنداشلار اؤلکه مدیریتینین بوتون سطح‌لرین‌ده حتی دولت کابینه سینه‌ده داخیل اولماغا بیرگه شرایط ده مشارکت و تصدی امکانی تاپسینلار.
3: اولکه نین مختلیف و چئشیدلی بؤلگه لرینین مدیریتینی یئرلی- محلی، باشاریقلی و لیاقتلی مدیرلره تاپیشیرماق، مختلیف منطقه و ماحال‌لارین اجرایی اداره سین یئرلی اهالی‌یه وئرمک و دولتین عمومی سیاستی قالیبینده اختیارلاری استانلارا تفویض ائدیب اونلاردان حمایت و اونلاری تقویت ائتمک.
4: مدرسه لرده و دانشگاهلاردا رسمی صورتده  ایرانلی لارین آنا دیللری نین (ترکی آذری، کردی، عربی و.. )  تدریسی آنایاسامیزین 15جی اصلینین کامل اجراسی قالبینده.
5: ایران لی قومیت لر و خالقلارین ادبیات و فرهنگ مدنیتی‌نی تقویت ائتمک و اونلارین آرادان گئتمه سینین قارشیسینی آلماق، ایرانین قدیمی میراثلاریمیزین ساخلاییب و یاشاتماسی آماجی ایله .
6: باشقا دین‌لر و مذهب لرین حاقلارینی گؤزله مک، و اونلارین دینی و مذهبی ایشلرینه قاریشماماق، هابئله اونلارین اؤز عقیده و مذهب لرینده کی آزادلیق لارینی تامین ائتمک له برابر دینی و مذهبی فرایض و دَب‌لرینی یئرینه گتیرمگه امکان یاراتماق.
7:  علمی آراشدیرمالار و تدقیقاتلار آپاریب و تمل بخش‌لر (زیربنایی)، اقتصادی، عمرانی، فرهنگی- اجتماعی ساحه لرده قیسا مدت لی و اوزون مدت لی برنامه و پلان حاضیرلاییب، محروم قالمیش و مرزلره یاخین استانلاردا خصوصا تحمیلی جنگ دن ضرر گورن استانلارا اونلارین گئری ده قالمالارینی جبران ائتمک آماجی ایله جهشی بودجه‌لر آیرماق.
8: جایز اولمایان تبعیض لری بوتون ابعاددا و اشکالدا آرادان قالدیرماق.
9: ایرانلی قوملار و مدنیت – فرهنگ لره اولان امنیتی باخیش لاری دَییشمک، و ایرانلی قوم و فرهنگ لرین بکر- ایشله‌نیلمه‌میش انسانی و مادی منابعیندن یارارلانماق اوچون، سیاسی- امنیتی قورولوشلاری علمی و الوئریشلی مدیریت نظامینا چئومیرمک .
10: یوخاریدا گلن دوققوز سایی‌لی ماده لری اجرا اولماسی اوچون جمهور رئیسینین معاون لرینین بیرینه مسئولیت وئریله‌جک دیر.
سیزین خادیمینیز
دکتر حسن روحانی
اون بیرینجی دوره جمهور رئیسی کاندیداسی

aynews
نویسنده: aynewsسایت: http://aynews.ir/
کد خبرنگار:
20
سایر خبرهای نویسنده:

نوشتن دیدگاه

تصویر امنیتی
تصویر امنیتی جدید


آی خبر © Aynews.ir 2007-2019
1398 - 1386